&#39;బిజినెస్ మ్యాన్&#39;కి &#39;డాన్ శీను&#39;తో పోలికేంటి?

'బిజినెస్ మ్యాన్'కి 'డాన్ శీను'తో పోలికేంటి?

మహేష్ బాబు తాజా చిత్రం బిజినెస్ మ్యాన్ స్టోరీ పాయింట్ ని పూరీ జగన్నాధ్ రీసెంట్ ఇంటర్వూల్లో రివిల్ చేసిన సంగతి తెలిసిందే. ఆయన మాటల్లో...ఓ భాయ్‌ని చంపడానికి ఓ పోలీసు అధికారి చేసిన ప్రయత్నం 'పోకిరి'. ఏకంగా భాయ్‌ అవుదామని రంగంలోకి వచ్చిన ఓ యువకుడి కథ 'బిజినెస్‌మేన్‌'. ఇది విన్న వారంతా ఈ స్టోరీ లైన్ ..గతంలో రవితేజ హీరోగా వచ్చిన డాన్ శీను గుర్తుకు వస్తోందంటూ పోలికలు తెస్తున్నారు. డాన్ శీను చిత్రంలోనూ హీరో రవితేజ... డాన్ అవ్వాలనే కోరికతో హైదరాబాద్ వస్తాడు. ఆ తర్వాత జరిగే పరిణామాలతో కథ,కథనం నడుస్తుంది.

ఇప్పుడు ఈ చిత్రంలోనూ బిజినెస్ మ్యాన్ లోనూ మహేష్ ..డాన్ (భాయ్)అవ్వాలనే కోరికతో ముంబై వస్తాడు. ఈ రకంగా ఈ రెండు కదలూ పోలికలు ఉన్నాయంటున్నారు. ఇక ఈ చిత్రంలో కాజల్ హీరోయిన్ గా చేస్తోంది. సంక్రాంతిక కానుకగా ఈ చిత్రం ఈ నెల 13న ప్రపంచవ్యాప్తంగా విడుదలవుతోంది. ఈ చిత్రం 16 వందల థియేటర్లలో విడుదలవుతోంది. అన్ని చోట్లా అడ్వాన్స్ బుకింగ్ ప్రారంభమైంది. ఈ మధ్య కాలంలో ఇంత భారీ స్థాయిలో ఏ చిత్ర విడుదల కాలేదు. ఈ చిత్ర ఆడియోకు అన్ని చోట్లా మంచి స్పందన లభిస్తోంది. సార్ వస్తారా పాట విశేషంగా అలరిస్తోంది.